हाफिज सईदची संयुक्त राष्ट्राकडे दहशतवादी यादीतून नाव वगळण्याची मागणी
दहशतवाद्यांच्या यादीतून आपले नाव हटवण्यात यावे अशी मागणी मुंबई दहशतवादी हल्ल्याचा मास्टरमाइंड आणि जमात-उद-दावाचा म्होरक्या हाफिज सईदने संयुक्त राष्ट्राकडे केली आहे. आपले नाव आंतरराष्ट्रीय दहशतवाद्यांच्या यादीतून वगळण्यात यावे यासाठी संयुक्त राष्ट्राकडे हाफिज सईदने याचिका दाखल केली आहे. लाहोरमधील एका लॉ फर्मच्या माध्यमातून हाफिज सईदने ही याचिका पाठवली आहे. ही याचिका हाफिज सईद नजरकैदेत होता तेव्हा करण्यात आली. हाफिज सईदला संयुक्त राष्ट्राने मुंबई २६/११ दहशतवादी हल्ल्यानंतर डिसेंबर २००८ रोजी आंतरराष्ट्रीय दहशतवादी म्हणून घोषित केले होते. एकूण १६६ जणांचा मृत्यू मुंबई दहशतवादी हल्ल्यात झाला होता. हाफिज सईदवर दहशतवादी कारवायांबद्दल १० दशलक्ष डॉलरचे बक्षिस आहे. पाकिस्तानने गेल्याच आठवड्यात २९७ दिवसानंतर हाफिज सईदची नजरकैदेतून सुटका केली आहे.
No comments:
Post a Comment